امریکہ نے اسرائیل کی حمایت میں بڑا قدم اٹھا لیا

صیہونی وزیراعظم نیتن یاہو سے ملاقات سے پہلے ٹرمپ نے حکم نامے پر دستخط کر دیے

امریکی صدر ڈونلڈ ٹرمپ اسرائیل کے لیے کچھ بھی کرنے کو تیارہیں، امریکہ نے 52 برس سے متنازع گولان کی پہاڑیوں پر اسرائیلی قبضے کو تسلیم کر لیا۔ صیہونی وزیراعظم نیتن یاہو سے ملاقات سے پہلے ٹرمپ نے حکم نامے پر دستخط کر دیے۔

اسرائیل نے عرب جنگ کے بعد شام کی پہاڑیوں پر قبضہ کر لیا تھا۔

ڈونلڈ ٹرمپ کے متنازع فیصلے پر ردعمل دیتے ہوئے اقوام متحدہ میں شامی سفیر کا کہنا ہے کہ امریکی صدر نے اس اقدام سے مشرق وسطیٰ میں مزید جنگوں کی رسید کاٹی ہے۔

لبنانی وزارت خارجہ نے صدر ٹرمپ کے حکم نامے کو بین الاقوامی قوانین کی خلاف ورزی قرار دی ہے۔ اس سے پہلے ڈونلڈ ٹرمپ نے اسرائیل میں امریکی سفارتخانے کو بیت المقدس منتقل کر کے بیت المقدس پر اسرائیلی قبضے کو جواز فراہم کر چکا ہے جبکہ غزہ میں اسرائیلی بربریت کو بھی وہ اسرائیل کا حق سمجھتے ہیں۔

Comments
Loading...