امیتابھ بچن کا دیوالی پر پھلجھڑیاں جلانے پر صارفین کی تنقید

دیوالی ہندوستان کے لوگوں کا ایک جانا مانا تہوار ہے جسے ہندو مذہب کے لوگ پورے جوش و خروش اور ولولے کے ساتھ مناتے ہیں۔۔۔

دیوالی ہندؤ لوگوں کے لئے ایک بہت ہی اہم تہوار ہے جسے وہ اپنے گھروں، دکانوں، محلوں اور مندروں کو خوب روشنی اور بتیئوں سے سجاتے ہیں۔۔۔

ہندوستان کے شہر ممبئی میں بالی ووڈ کے شہنشاہ امیتابھ بچن کو دیوالی پر پھلجھڑیاں جلانا مہنگا پڑگیا سوشل میڈیا صارفین نے انہیں تنقید کی زد میں لے لیا۔۔۔

ہندوؤں کے مذہبی تہوار دیوالی پر بالی ووڈ کے بگ بی امیتابھ بچن پھلجھڑیاں جلاکر تنقید کی زد میں آگئے۔۔۔

امیتابھ بچن نے سوشل میڈیا پر تصاویر شیئر کی ہیں جن میں وہ اپنے گھر والوں کے ساتھ پھلجھڑیاں جلاتے ہوئے نظرآرہے ہیں، تصاویر شیئر کرنے پر سوشل میڈیا صارفین نے شدید ردعمل دیتے ہوئے ان پر کڑی تنقید کی ہے۔۔۔

ایک صارف نے لکھا کہ:

” دیوالی پر پٹاخے جلانا بالکل بھی صحیح نہیں ہے اس سے ماحول میں آلودگی بڑھے گی”

اور باغی ٹی وی کے مطابق ، ایک صارف نے امیتابھ بچن پر تنقید کرتے ہوئے کہا کہ:

“پٹاخے جلانا بند کرو ایک پھلجھڑی بھی نہیں”

جب کہ کچھ لوگوں نے ماحول کو بچانے کا ہیش ٹیگ استعمال کرتے ہوئے لکھا :

“امیتابھ جی ماحول کو آلودہ کررہے ہیں۔”

کچھ لوگوں نے امیتابھ بچن سے درخواست کرتے ہوئے کہا:

“مہربانی کرکے پٹاخے نہ جلائیں، آپ ہمارے رول ماڈل ہیں، ہم آپ سے بہت کچھ سیکھتے ہیں۔”

بھارت میں بڑھتی آلودگی کے باعث بالی ووڈ کے متعدد ستاروں نے اس سال دیوالی کے موقع پر پٹاخے اور پھلجھڑیاں نہ جلانے کاعہد کیا تھا تاہم امیتابھ بچن نے اداکاروں کے اس عہد کو یکسر نظر انداز کردیا۔۔۔

Comments
Loading...